Доскул Бекмурзаев тергөө мезгилине Кыргызстандын энергетика министри кызматынан убактылуу четтетилди.

Президенттин басма сөз кызматынын маалыматына караганда, тиешелүү жарлыкка президент Садыр Жапаров кол койду.

“Жарлыкка ылайык, Конституциясынын 66 жана 71-беренелерине, ошондой эле 89-беренесинин 3-бөлүгүнө ылайык Бекмурзаев Доскул Жумагулович тергөө мезгилине энергетика министри кызматынан убактылуу четтетилди”, – деп айтылат маалыматта.

Президенттин дагы бир жарлыгына ылайык, энергетика министринин орун басары Ибраев Таалайбек Омукеевичке энергетика  министринин милдеттерин аткаруу жүктөлдү.

Башкы прокуратура буга чейин министрге кызмат абалынан кыянаттык менен пайдалануу фактылары боюнча эки кылмыш ишин козгогон.

Биздин Телеграм каналга катталыңыз