Өткөн жылы Глазгодо өткөн БУУнун климаттын өзгөрүшү боюнча конференциясында Кыргызстан 2030-жылга чейин парник газдарынын эмиссиясын 44% кыскартуу милдетин алган. Бул үчүн өлкө 6,7 миллиард доллар өлчөмүндө БУУдан гранттык жардам сурап кайрылган. Бул тууралуу парламенттин жыйынында Жаратылыш ресурстары, экология жана техникалык көзөмөл министри Динара Кутманова билдирди.

Анын айтымында, Кыргызстан эмиссияны азайтуу боюнча көрүлө турган чаралардын тизмесин жарыялады. Анда Бишкектеги 23 көмүр жагуучу жайды газга өткөрүү, калктуу конуштарга альтернативдик энергия булактарын киргизүү камтылган.

Динара Кутманова мындай долбоорлор үч жылга чейин караларын, грант алууну тездетүү үчүн тийиштүү аракеттер көрүлөрүн кошумчалады.

Биздин Телеграм каналга катталыңыз