«Бишкек троллейбус башкармалыгы» муниципалдык ишканасы кескин суукка байланыштуу троллейбустарга карата рейд жүргүздү. Бул тууралуу Бишкек мэриясынын басма сөз кызматы билдирди.
Маалыматка караганда, башкармалыктын жетекчилиги бөлүм башчылары менен биргеликте бардык троллейбустардын жылыткычтарын, техникалык абалын текшеришти.
Жетекчилик текшерүү учурунда жылыткычтары иштебеген троллейбустарды каттамга чыгарбай туруп, оңдоосун талап кылды.
Буга чейин ӨКМ 11-январдан тарта өлкөнүн көпчүлүк аймактарында кар жаап, абанын температурасы кескин төмөндөй турганын билдирген.
Биздин Телеграм каналыбызга катталыңыз
