Азербайжандын борбору шаары Бакуда Кыргызстандын улуу жазуучусу Чыңгыз Айтматовдун айкели орнотулат.

Маалым болгондой, Азербайжандын Маданият министрлиги айкелдин эскиз-долбоорун даярдоо үчүн скульпторлор арасында сынак жарыялады. Сынак 15-июндан 31-июлга чейин өткөрүлөт.

Эскиздик долбоорлор аталган министрликтин мемориалдык жана архитектуралык комплекстерди, скульптура эстеликтерин орнотуу жана алуу боюнча эксперттик комиссиясынын мүчөлөрү тарабынан бааланат. Долбоорлор жабык түрдө каралат. Ал эми, жеңүүчүлөр 15-августта белгилүү болот.

Экинчи орундун ээлерине 2 миң манат (102,8 миң сом), үчүнчү орун алгандарга 1 миң манат (51,4 миң сом) берилет.

Биздин Телеграм каналга катталыңыз