Баткенде милиция кызматкерлери каналда агып бара жаткан аялды куткарып калышты. Бул тууралуу ИИМдин басма сөз кызматы билдирди.
Маалыматка караганда, окуя 14-июлда саат 10:00 чамасында катталган.
ИИМдин Атайын багыттагы полкунун Баткен шаарында жайгашкан ѳзүнчѳ ротасынын кызматкерлери милициянын кенже сержанты Мотоев Мадияр жана милициянын сержанты Мадали уулу Мелис саат 10:00 чамасында Ай-Сай айыл аймагындагы кайгуул-күзѳт кызматын алмаштырууга бара жаткан учурда, Баткен районунун Кѳк-Таш айылынын кире беришиндеги чоң каналда агып келе жаткан аялды кѳрүп калышкан. Ошол замат 2 милиция кызматкери сууга секирип, аялды куткарып калышкан. Андан соң куткарылган аялды ооруканага алып кетишкен.
Учурда куткарылган аялдын абалы жакшы.
Биздин Телеграм каналга катталыңыз
