Төө-Ашууга кар жаады. Жол милициясы айдоочуларга кайрылды (видео)

13.10.2023 | 14:23

Бүгүн, 13-октябрда аба-ырайы кескин өзгөрүп, тоолуу аймактарда, анын ичинде Төө-Ашуу ашуусунда кар жаап жатканына байланыштуу Чүй облусу боюнча Жол кыймылынын коопсуздугун камсыздоо башкармалыгы айдоочуларга кайрылды.

Аталган башкармалык, “Бишкек-Ош”  унаа жолуна сапарга чыккан айдоочуларга унаасынын жайкы дөңгөлөктөрүн кышкыга алмаштыруу, алдыда бараткан унаа менен болгон аралыкты сактоо жана карама-каршы тилкеге чыкпай айдоо керектигин эскертет.

Чүй облусу боюнча Жол кыймылынын коопсуздугун камсыздоо башкармалыгынын өздүк курамы Бишкек – Ош унаа жолунда кызмат өтөөдө.

Биздин Телеграм каналыбызга катталыңыз
Scroll to Top