Бүгүн Бишкектин Биринчи май райондук сотунда активист Гүлжигит Исаковдун соту өтүп, күбөлөр суракка алынды.

Иштин алкагындагы документтердин мазмуну купуя сыр болгондуктан, маалымат берилбейт.

Исаковдун жакындарынын айтымында, айыпталуучуларды чет өлкөнүн атайын кызматтары менен байланыштыруу аракети көрүлүүдө.

“Гүлжигиттин сын-пикирлери үчүн эле куугунтуктап жатышат”, – дейт жакындары.

Белгилей кетсек, Гүлжигит Исаков “Элдик кеңеш” партиясынын жетекчиси Роза Нурматова, жогорку окуу жайлардын биринин мугалими Чолпонбек Сыдыкбаев жана дагы эки жаран бийликти күч менен басып алууга аракетенүүгө айыпталууда.

Алардын баары 2023-жылы 5-июнда кармалган.

Биздин Телеграм каналга катталыңыз