Өлкөнүн учурдагы башкы көйгөйү калктын  жашоо дэңгээли жана кымбат баалар. Бул тууралуу Эл аралык республикалык институттун (IRI) сурамжылоосунун жыйынтыгында айтылат.

Ага катышкан жарандардын 27 пайызы бийлик биринчи кезекте ушул маселелерди чечиши керектигин айткан.

25 пайызы элди жумуш менен камсыз кылуу зарылдыгын белгилесе, 10 пайызы коррупция менен күрөшүүгө чакырган.

Андан кийин суу, экономикалык маселелер, турак жай, миграция жана чек ара коопсуздугун чечүү керектиги белгиленген.

Изилдөө 2023-жылдын 21-декабрынан 2024 жылдын 19-январына чейин респонденттердин үйүндө маектешүү жолу менен жүргүзүлдү. Ага 18 жаштан жогору 1 миң 500 адам катышты.

Биздин Телеграм каналга катталыңыз