Жогорку Кеңештин депутаты Адахан Мадумаров Бишкек шаардык сотуна Биринчи май райондук сотунун өкүмүнө даттанып кайрылат. Бул тууралуу анын жактоочу Юлия Богданова Reporter.kg’ге билдирди.

Анын айтымында, саясатчы соттун өкүмү менен макул эмес жана ал койгон айыптар боюнча толук актоону талап кылат. Арыз райондук соттун өкүмү даяр болушу менен берилет.

Белгилей кетсек, 26-мартта Бишкектин Биринчи май райондук соту Мадумаровду өзгөчө ири өлчөмдөгү алдамчылык жана бийликтен аша чабуу  айыбы менен күнөөлүү деп тапты. Бирок кылмыш жоопкерчилигине тартуу мөөнөтү өтүп кеткендиктен, ага жаза берилген жок.

Сот Мадумаровду эки иш боюнча күнөөлүү деп таап, бирок жаза чегерген жок

Биздин Телеграм каналга катталыңыз