Бишкек шаарынын мэриясынын Октябрь райондук билим берүү башкармалыгы билим берүү мекемелеринен мыйзамсыз түрдө акча чогулткан. Бул тууралуу УКМК билдирди.

Маалыматка караганда,  Эсептөө палатасынын инспектору М.Ф.К.га аталган райондун 22 билим берүү мекемесинде 2022-жылга карата финансылык-чарбалык ишмердүүлүгүнө текшерүү жүргүзбөгөндүгү үчүн башкармалыктын жетекчилигинен опузалап акча талап кылган. Ага пара берүү үчүн 19 мектеп, 3 балдар чыгармачылык борборунан 25 миң сомдон чогулткан.

УКМКнын билдирүүсүндө, инспектор акчаны Бишкектеги соода түйүндөрдүн биринде алган. Ал кармалып, Шаардык ички иштер башкармалыгынын  убактылуу кармоочу жайына киргизилди.

Биздин Телеграм каналга катталыңыз