Кыргызстандык Мыктыбек Оролбай уулу (13-1) UFC уюмундагы экинчи беттешинде атаандашын жеңип алды.

5-майда Рио-де-Жанейродо (Бразилия) өткөн UFC 301 турниринде ал жергиликтүү мушкер Элвес Бренер (16-4) менен беттешти. Беттеш 70 килограммга чейинки салмак категориясында өттү.

Ар бири 5 мүнөттөн болгон үч раунддун жыйынтыгында калыстар бир добуштан жеңишти Оролбай уулуна беришти – 3:0.

Кыргызстандык мушкер UFC боюнча дебюттук беттешин 2023-жылдын ноябрында өткөрүп, сербиялык Урош Медичти жеңип, кыска мөөнөттүн ичинде анын ордуна келген.

Биздин Телеграм каналга катталыңыз