Сузак районундагы 2 мектепте илинип турган тууну «Хизбут-Тахрир» диний-экстремисттик уюмунун мүчөлөрү өрттөшкөн. Бул тууралуу УКМК билдирди.

Коопсуздук комитети райондун Бек-Абад айылынын 19 жана 16 жаштагы тургундарын, жакын туугандарды кармады.

Алар 2022-2023-жылдары экстремисттик топко кошулган.

УКМКнын маалыматында, кармалган 19 жаштагы А.К.М. аттуу кыз, “Хизбут-Тахрирдин” аялдар канатынын мүчөсү болгон жана ал январь айынан бери желектерди алмаштыруу жана өрттөө иштерин жүргүзүп келген. Аны менен шериктеш болгон 45 жаштагы апасы жана агасы дагы кармалды. Алардын атасы Ш.А.Ш. мурда экстремисттик материалдарды сактагандыгы үчүн кылмыш жоопкерчилигине тартылган. Учурда Россияда иштеп жатат.