Мектеп окуучуларынын жазгы каникулу 2-марттан 7-мартка чейин узартылды. Ал эми 8-март – дем алыш жана майрам күнү. Ошентип окуучулар 7 күн эс алышат.

Агартуу министрлигинин маалыматында, бул чечим ата-энелерден жана мугалимдерден каникулдун мөөнөтү боюнча келип түшкөн кайрылуулардын негизинде кабыл алынган.

Эс алуу күндөрүнө кошумча берилген 4 күн окуу планынын аткарылышын камсыз кылуу максатында май айында окутулат. Ушуга байланыштуу 2025–2026-окуу жылы 29-майда аяктайт. Мектептердеги акыркы коңгуроо аземи 29-майда өткөрүлөт.

Буга чейин окуучулардын жазгы каникулу 3 гана күнгө созулары айтылган.