.svg){kind=logo}
Димаш Кудайбергенге Кыргыз Республикасынын Эл артисти наамы ыйгарылды«Мейкин Азия» фестивалынын баш байгесин румыниялык аткаруучу жеңип алдыСадыр Жапаров жана Ухнаагийн Хурэлсух «Мейкин Азия» эл аралык музыкалык фестивалына барыштыКыргызстандын Ишенимдүү ишкерлери реестрине кирүү үчүн арыз берүү башталдыЯкутияда болгон жол кырсыгынан үч кыргызстандык жаран каза болдуБишкекте кыргыз-монгол бизнес-форуму өтүп, эки өлкөнүн ишкерлер кеңеши түзүлдү
Электрондук тамеки чеккендерге 10 миң сом айып салуу мыйзамы кабыл алынды
26.06.2024 | 14:13
Жогорку Кеңеш электрондук тамекилерди өлкөгө ташып келүүгө, сатууга жана колдонууга тыюу салган мыйзамды экинчи жана үчүнчү окууда кабыл алды.
Мыйзамга ылайык, өлкөгө электрондук тамекилерди алып келген юридикалык жактарга 200 миң сом, жарандарга 150 миң сом айыппул каралган же 1 жылдан 2 жылга абакка кесилет.
Аталган тамекилерди саткан жарандар 50 миң сом, юридикалык жактар 65 миң сом айыпка жыгылат.
Ошондой эле электрондук тамекилерди колдонгон жарандарга 10 миң сом, юридикалык жактарга 60 миң сом айыппул каралган.
Мыйзам долбоорунун демилгечилеринин бири депутат Шаирбек Ташиев билдиргендей, мыйзамга кол коюлган соң ал бир жылдан кийин күчүнө кирет.
Эми аталган мыйзам президенттин кол коюусуна жөнөтүлөт.
Рубрики: Жаңылыктар, Коом
