Жогорку Кеңеш Кыргызстанда Аталар күнүн жана Энелер күнүн белгилөө тууралуу мыйзам долбоорун экинчи жана үчүнчү окууда кабыл алды. Мыйзам долбоорун депутат Медербек Алиев демилгелеген.

Анда Аталар күнүн 15-мартта майрамдоо каралган. Ал күн эс алуу күнү болбойт. Ошондой эле мыйзамда Энелер күнүн май айынын үчүнчү жекшембисинде майрамдоо каралган. Буга чейин өлкөдө Энелер күнү президенттин 2012-жылдагы жарлыгын негизинде майрамдалып келген.

Эми мыйзам президенттин кол коюусуна жөнөтүлөт.