Ош шаарында Садыр Жапаровдун атынан түлөө өткөрүлдү. Бул тууралуу президенттик администрациянын маалымат кызматынын башчысы Дайырбек Орунбеков билдирди.
Ага катышкан министрлер кабинетинин төрагасы Акылбек Жапаров калаа тургундарын сабырдуулукка чакырды. Ал кырсыктардын кесепетин жоюу жана алдын алуу боюнча иштер күчөтүлөрүн айтты.
«Апаат болбосун, топон суулардан кудай сактасын! Бул жерде олтурган казы-имамдар дагы дуба кылып, биздин билип-билбей кылган күнөөлөрүбүз кечирилсин», — дейт ал.
«Колунда жокторго жардам беребиз». Акылбек Жапаров Ошко барды (видео)
