Жалал-Абад шаарынын мэриясынын Керек-жарак рыногу жана кызмат көрсөтүү департаментинин директору И.К.Б. жана инспектору А.Т.А. кармалды. Бул тууралуу УКМК билдирди.
Алар коррупцияга шектелүүдө. УКМКнын маалыматында, аткаминерлер муниципалдык жерлерди тийиштүү уруксат документтери жок беришип, жарылуу болгон соода түйүнүн мыйзамсыз орнотушуна жол ачышкан.
Газдалган суусундук саткан павильондун ээси М.З.А. дагы камакка алынды.
Эскерте кетсек, 13-июль күнү шаардагы соода түйүндөрүнүн биринде газдалган суу чыгаруучу павильондо газ баллон жарылуу болуп, 5 адам ооруканага жеткирилип, 17 жаштагы сатуучу кыз каза болгон.
