Бишкекте жаш жигит өспүрүм кызды сабап, телефонун тартып алган. Бул тууралуу Свердлов райондук милициясынан билдиришти.
Милициянын маалыматы боюнча, окуя 11-январда кечинде Жибек Жолу жана Ибраимов көчөлөрүнүн кесилишинде болгон. Эркек бала 17 жаштагы кызды сабап, анын 40 миң сомдук «Айфон 11» телефонун тартып алган.
Эртеси күнү кыздын апасы милицияга рыз жазган.
Аталган факт боюнча «тоноо» беренеси менен кылмыши иши козголуп, иликтөө иштеринин натыйжасында шектүү катары 20 жаштагы жигит (Ж.Б.) кармалган.
Учурда милиция анын ушул сыяктуу башка кылмыштарга катыштыгын текшерүүдө.
