Кыргыз Республикасынын Мамлекеттик салык кызматынын кызматкерлери рейддик контролдун жүрүшүндө Бишкек шаарында тыюу салынган электрондук тамекилерди (никотин жеткирүүчү түзүлүштөрдү) саткан жайды аныкташты.

Мыйзамсыз соода түйүнү 7-кичи райондогу турак үйдүн жер төлөөсүндө жайгашкан. Ведомствонун маалыматы боюнча, соода ишин Э.Д.Ж. аттуу жаран жетектеген. Продукцияны сатуу атайын схема боюнча уюштурулган: буйрутмалар сатып алуучуларга курьердик кызматтар жана такси аркылуу жеткирилип турган.

Текшерүү учурунда 3 миңден ашык никотин камтыган буюмдар алынды. Товардын жалпы баасы 3 миллион сомдон ашык деп бааланууда.

Алынган бардык буюмдар мындан аркы тийиштүү чараларды көрүү үчүн укук коргоо органдарына өткөрүлүп берилет.