“Манас” эл аралык аэропортунда 1,8 млн рубль салынган сумкасын унутуп кеткен ээсине акчасы кайтарылды. Бул тууралуу аталган компаниядан билдиришти.

Окуя 12-январда болгон. Москвадан Бишкекке саат 05:45терде учуп келген кыз акча салынган сумкасын эл отурган залда унутуп кеткен. Сумканы саат 07:20ларда аэропорттун кызматкерлери таап алган. 20-25 мүнөт өткөндөн кийин кыз келип, сумкасын унутуп кеткенин айткан. Аэропорттун кызматкерлери ага сумкасын берип, кыз акчасын санап, алып кеткен.