Кыргызстанда 23-февралда Ата Мекенди коргоочулар күнү белгиленет. Ага байланыштуу Улуттук статистика комитети өлкөдөгү эркектер тууралуу азыноолак маалымат берди.

2025-жылдын башына карата өлкөдө эркектердин саны 3,6 миллионго жеткен. Ал жалпы элдин санынын 49,5%ын түзөт.

Эркектердин үчтөн экиси айыл жеринде турат. Ар бир жетинчиси Бишкекте жашайт.

2023-жылы эмгекке жарамдуу эркектердин 77%ынын иштеген иши болгон. Алардын орточо жашы 38ди түзөт.

Эркектер көбүнесе курулуш, транспорт, кен казуу, энергетика тармагында иштейт.

2023-жылы 45,5 миң эркек үйлөнгөн. Эркектердин көбү 20-29 жашында үй-бүлө курат. Биринчи ирет үйлөнгөндөрдүн орточо курагы 27,6 жашты, экинчи жолу үй-бүлө кургандардыкы 40,2 жашты түзөт.