Чүйдүн Токмок шаарында милициянын атын жамынып, тургундан акча опузалоого шектелген 3 адам кармалды. Бул тууралуу облустук милициядан кабарлашты.

Тергөө учурунда аныкталгандай, белгисиз адамдар 2007-жылы туулган жигитке келип, өздөрүн Токмок шаардык милициясынын кызматкери деп алдап тааныштырып, ал уурулукка катышы бар экенин айтып, жоопко тартабыз деп коркутуп 30 мин сом опузалаган. Бул тууралуу 21-февралда милицияга маалымат түшкөн.

Милиция билдиргендей, 22-февралда атайын тергөө иштери учурунда акча алып жаткан жеринен 29 жаштагы А.И. жана 21 жаштагы Ж.И. жана А.К. аттуу үч жигит кармалган. Тинтүү учурунда алардан белги коюлган акчалар табылып алынган.

Тергөө иштери уланууда.