УКМК маалыматына ылайык, Шопоков шаарынын мэри С.Н.С. жана мэриянын мамлекеттик сатып алуулар боюнча адиси К.А.А. жасалма тендерлерди уюштуруп, бюджеттик каражаттарды кымырып алууга шектелип кармалды.
2023-жылдан бери өткөрүлгөн сатып алууларда «Юниверсал Сервис» жана «Матумба» ЖЧКлары дайыма жеңүүчү болуп, алар мэрдин айланасындагы адамдарга формалдуу катталган. Жыйынтыгында мамлекетке 9 млн сомдон ашык зыян келтирилгени айтылууда.
Тергөө иштери уланууда.
