.svg){kind=logo}
Каржы министрлиги «Электрондук аудитке» өттү: текшерүүлөр аралыктан жана автоматтык түрдө жүргүзүлөтУнаасын оңдоп берем деп, алдап кеткен. Чүйдө шектүү жаран кармалдыТаласта 10 млн сомдук тыюу салынган товарлар ташылып келингени аныкталдыЖуучу каражаттар жана азык-түлүктөр: «Ак-Жол» өткөрмө пунктунда аткезчиликке бөгөт коюлдуАймактардагы облустар жана райондор 20 округга алмаштырылат – Садыр ЖапаровЭми дыйкандар чалуу аркылуу кеңеш ала алышат. Айыл чарба министрлигинин байланыш борбору ишке кирди
Жыл аягына чейин өлкөдөгү бардык жол көзөмөлдөөчү видеокамералар ишке кирет
11.09.2025 | 11:10
Кыргызстанда жыл аягына чейин жол эрежесин бузуу фактыларын каттоочу бардык видеокамералар иштей баштайт.
Жол кыймылынын коопсуздугун камсыздоо башкы башкармалыгынын маалыматына ылайык, долбоордун биринчи этабында 90 стационардык жана 20 мобилдик аппараттык-программалык тутум орнотулган. Алардын жардамы менен жол кыймылынын эрежелерин бузуу учурлары фото жана видеого катталат.
Видеокамералар төмөнкү аймактарга орнотулду:
- Бишкек — Ош жолу,
- Бишкек — Чалдовар жолу,
- Бишкек — Нарын — Торугарт жолу,
- Бишкек — «Манас» эл аралык аэропортуна алып баруучу жол,
- Бишкек — «Ак-Жол» чек ара көзөмөл-өткөрмө пункту.
Мындан тышкары, Бишкек — Нарын — Торугарт жолуна кошумча 16 “Ураган” комплекси орнотулду. Учурда жабдыктар Ысык-Көл облусунда да орнотулуп жатат.
