Фермерлер жана айыл чарба продукциясын өндүрүүчүлөр үчүн байланыш борборун (call center) ишке киргизди. Эми 1210 номери аркылуу жарандар айыл чарба жаатындагы программалар боюнча маалымат алып, маселелерди чечүүгө мүмкүнчүлүк алышат. Бул тууралуу Айыл чарба министрлиги билдирди.

Фермерлер төмөнкү багыттар боюнча кеңеш ала алышат:

• мамлекеттик колдоо (насыя, субсидия, лизинг);
• суу ресурстары жана ирригация маселелери;
• өсүмдүк өстүрүү, коргоо жана анын карантини;
• мал чарбасы, ветеринария жана асыл тукум иши;
• продукцияны кайра иштетүү, сактоо, сертификаттоо жана экспорт.

Чалуулар Кыргызстандын аймагында бардык байланыш операторлорунан кабыл алынат. Борбор иш күндөрү саат 09:00дөн 18:00гө чейин иштейт.

Мекеменин маалыматында, бул кызматты ишке киргизүү мамлекеттик кызмат көрсөтүүлөрдүн жеткиликтүүлүгүн жогорулатуу жана агроөнөр жай комплексинде санарип куралдарын өнүктүрүү боюнча иш-аракеттердин алкагында ишке ашкан.