«Бишкексууканал» ишканасынын маалыматына ылайык, 2025-жылдын 25-сентябрында саат 09:00дөн 17:00гө чейин шаардагы бир катар аймактарда ичүүчү суу берүү убактылуу токтотулат.

Өчүрүү төмөнкү аймактарды камтыйт:

• көчөлөр: Күрөңкеев, Абдрахманов, Элебесов, Бельская, Саадаев, Жибек Жолу проспектиси, Жаш Гвардия көчөсү жана БЧК району;
• конуштар: «Красный строитель», «Ак-Тилек», «Көлмө», «Алтын бешик», «Салам Алик»;
• Маевка айылы.

Суу берүү убактылуу токтотулушу «Северный» суу алгычында жана шаардык суу түтүктөрүндө жүргүзүлө турган оңдоо иштерине байланыштуу.

«Бишкексууканал» ишканасы калк жана мекемелерден алдын ала ичүүчү суу камдап алууну өтүнүп, келтирилген ыңгайсыздыктар үчүн кечирим сурады.