Жогорку Кеңештин жыйынында депутат Айгуль Ахмедова жарандарды жумушка орноштуруу менен алектенген компаниялардын ишмердүүлүгү боюнча маселени көтөрдү.

Анын айтымында, мындай уюмдардын ишине байланыштуу ага көптөгөн даттануулар түшүүдө. Айрым компаниялар жумушка орноштуруу үчүн жарандардан ири суммадагы акча алып, өз милдеттенмелерин аткарбай жатканы белгиленди.

Ушуга байланыштуу депутат Эмгек, социалдык камсыздоо жана миграция министрлигине укук коргоо органдары менен биргеликте мындай компаниялардын ишмердүүлүгүн текшерип, жыйынтыгын маалымдоону өтүндү.

Депутат ошондой эле мыйзам бузган компанияларды жоопкерчиликке тартуу керектигин белгиледи.