Кыргызстан мусулмандарынын Дин башкармалыгында 2026-жылдагы ажылыкты уюштуруу боюнча ведомстволор аралык Убактылуу республикалык штабдын жыйыны болуп өттү. Бул тууралуу башкармалыктын басма сөз кызматы кабарлады.

Маалыматка караганда, жыйында ажылык сапарды уюштуруу багытында авиакомпания тандоо маселеси талкууланып, атайын түзүлгөн комиссиянын чечими кабыл алынган.

Комиссиянын 2025-жылдын 8-октябрында өткөн жыйынында 2026-жылдагы ажылык сапары үчүн зыяратчыларды Сауд Араб Падышалыгына ташуу укугу “Flyadeal” авиакомпаниясына берилди.

Конкурстун жыйынтыгында “Flyadeal” авиакомпаниясы жеңүүчү деп табылып, ага жалпы 6060 кыргызстандык ажылык зыяратчыны ташуу укугу ыйгарылды.