Кыргызстандын президенти Садыр Жапаров менен Тажикстандын президенти Эмомали Рахмон Душанбеде жолугушканын КР президентинин администрациясы кабарлады.

Тажикстандын президенти Эмомали Рахмон эки өлкө аймактык жана эл аралык уюмдардын алкагында тыгыз кызматташып, бири-биринин демилгелерин колдоп келе жатканын канааттануу менен белгиледи.

Жолугушуунун жүрүшүндө мамлекет башчылары эки тараптуу жана көп тараптуу форматтарда мындан аркы кызматташтыкты чыңдоо боюнча биргелешкен аракеттерди көрүү жөнүндө макулдашышты.

Маалыматка ылайык, жолугушуу “Борбор Азия — Россия” саммитине жана КМШ мамлекет башчыларынын кеңешине даярдыктын алкагында өттү.