ЖККУнун Коопсуздук кеңешинин кезектеги сессиясы учурунда коопсуздукту камсыздоо үчүн 4 миңден ашуун милиция кызматкери тартылат. Бул тууралуу ИИМдин басма сөз кызматы билдирди. Тартип сакчылары күчөтүлгөн тартипте кызмат өтөөгө өтүштү.

Эске салсак, 27-ноябрда Бишкекте кыргыз тараптын төрагалыгы алдында ТИМ жетекчилеринин кеңеши (СМИД), Коргоо министрлер кеңеши (СМО), Коопсуздук кеңешинин катчылар комитети (КССБ), ошондой эле ОДКБнын Коопсуздук кеңешинин сессиясы өтөт. Иш-чаралардын катышуучулары биргелешкен иштердин актуалдуу маселелерин, анын ичинде маңзат жүгүртүүгө жана мыйзамсыз миграцияга каршы аракеттенүү жаатындагы кызматташууну талкуулашат.

«Ички иштер органдарынын жеке курамы коомдук тартипти сактоого, укук бузуулардын алдын алууга, жол коопсуздугун камсыздоого жана мүмкүн болгон өзгөчө кырдаалдарга ыкчам чара көрүүгө тартылды», — деп айтылат маалыматта.

Мындан тышкары, жолдогу тыгындарты азайтуу максатында 27-ноябрда мектептер жана жогорку окуу жайлар убактылуу онлайн окутууга өтүшөт.