20-апрелде Бишкек шаарынын бир бөлүгүндө саат 09:00дөн 24:00гө чейин ичүүчү суу өчүрүлөт. Бул тууралуу «Бишкексууканал» муниципалдык ишканасы билдирди.

Суу өчүрүлө турган аймак Шабдан Баатыр проспектиси, Хивинская көчөсү (Лермонтов көчөсүнөн Ч. Валиханов көчөсүнө чейин) жана Достоевский көчөсү менен чектелет.

Суу «Тепличный» суу топтомосунда жана шаардык суу түтүк тармактарында реконструкция иштерин жүргүзүүгө байланыштуу токтотулат.

«Бишкексууканал» ишканасы келтирилген ыңгайсыздыктар үчүн кечирим сурап, тургундарды ичүүчү сууну алдын ала камдап алууга чакырат.