Биз, жаратылыш кен байлыктары менен эмес, элибиздин билимдүү жаштары менен өлкөбүздүн бардык тармагын өркүндөтөбүз. Мындай пикирин президент Сооронбай Жээнбеков бүгүн жалпы республикалык тесттен эң жогорку упай алган мектеп бүтүрүүчүлөрүн куттуктап жатып билдирди.
Өлкө башчы өз сөзүндө, билимдүү жаштар менен өлкөбүздүн бардык тармагын өнүктүрсө болорун айтып, жаштарга жаңы билимге ээ болууда өжөрдүктү каалады.
Быйыл республика боюнча 52 бүтүрүүчү 10 миң сому бар “Алтын сертификаттын” ээси болушту. Алардын 19у өлкөнүн ар кайсы региондорунан келишкен.
Быйыл жалпы республикалык тестирлөөгө 47 440 бүтүрүүчү катышкан. Анын 60% ашыгы 110 упайдан жогору жыйынтыкка жетишкен.
