Көз карандысыз Мамлекеттер Шериктештигинин (КМШ) өлкөлөрүнүн тышкы саясий ведомстволорунун өкүлдөрү Минск шаарында ТИМ аралык консультацияларды өткөрүп, анда Бириккен Улуттар Уюмунда адам укуктары темасын саясатташтырууга каршы чыгышты. Консультацияларга Азербайжандын, Беларустун, Кыргызстандын, Россиянын, Тажикстандын жана Өзбекстандын дипломаттары, ошондой эле КМШ Аткаруу комитетинин өкүлдөрү катышты.

Жолугушуунун катышуучулары БУУнун Адам укуктары боюнча Жогорку комиссарынын башкармалыгын (АУЖКБ) өз алдынча түзүм кылып реформалоо аракеттерине биргелешип каршы турууну макулдашышты. Дипломаттар ошондой эле Адам укуктары боюнча кеңештин күн тартибиндеги профилдик эмес темалар боюнча тынчсыздануусун билдирип, Экинчи дүйнөлүк согуш тууралуу тарыхый чындыкты коргоо боюнча күч-аракеттерди координациялоону макулдашышты. Мындан тышкары, КМШ өлкөлөрү БУУнун чектелген курамдагы укук коргоо органдарына шайлоодо бири-бирин колдоо жөнүндө макулдашууга жетишти.