Өлкө башчы Садыр Жапаров бир катар мамлекеттик кызматкерлерге жогорку аскердик жана атайын наамдарды ыйгаруу боюнча жарлыкка кол койду.

Президенттин басма сөз кызматынын маалыматында, ички иштер министри Улан Ниязбековго «милициянын генерал-полковниги» жогорку атайын наамы ыйгарылды. Ал эми Улуттук коопсуздук боюнча мамлекеттик комитеттин жаңы дайындалган жетекчиси Жумгалбек Шабданбековго «генерал-лейтенант» жогорку аскердик наамы ыйгарылды.

Ошондой эле «генерал-майор» жогорку аскердик наамы:

• Намазов Акылбек Закировичке,
• Шадыбеков Уранбек Амановичке,
• Отонбаев Тариэль Зарылбековичке,
• Шаршеев Талайбек Имашовичке,
• Талипов Талантбек Медербековичке,
• Эрбаев Алишер Ташбаевичке ыйгарылды.

Мындан тышкары Бектурганов Малик Маамыталиевичке «юстициянын генерал-майору» атайын наамы берилди.