Кыргыз жана орус тилдеринде окутуу жүргүзүлгөн мектептердин 7-класстары үчүн «Табигый илимдер» предмети боюнча окуу китеби басылып чыкты.

Агартуу министрлигинин маалыматында, окуу китеби жалпы 144 965 нускада басылды. Анын ичинен:

• 86 600 нускасы — кыргыз тилинде окуткан мектептер үчүн;
• 58 365 нускасы — орус тилинде окуткан мектептер үчүн.

Бул окуу китептери өлкөнүн бардык аймактарындагы билим берүү мекемелерине таратылат. Министрлик аталган окуу-методикалык комплекси мамлекеттик билим берүү стандарттарына ылайык иштелип чыкканын билдирди.