Burger King, Costa Coffee жана ENZO Кыргызстандын аэропортторунда BTA Group менен кызматташтыктын аркасында пайда болот. «Кыргызстан аэропорттору» ААК өз аймагында эл аралык коомдук тамактануу франшизаларынын тармагын ачууну макулдашты.

BTA Group жана Helios Duty Free операторлору менен кызматташуунун алкагында өлкөнүн аба дарбазаларында эки Burger King рестораны, ошондой эле Costa Coffee, Brewmark, Cakes & Bakes жана ENZO түйүндөрү пайда болот. Тараптар дизайн-концепцияларды жана жайгашуу жерлерин бекитип, жеткирүү логистикасын иштеп чыгышты. Келечекте ушундай эле долбоорлорду Ош, Тамчы (Ысык-Көл) жана Каракол аймактык аэропортторунда ишке киргизүү пландалууда.

Бул чечим республиканын негизги транспорттук операторунун авиациялык эмес кирешелерин көбөйтүү стратегиясынын алкагында кабыл алынды. Өнөктөш дүйнөнүн 17 өлкөсүндөгү 19 аэропортто иш алып барган Food & Beverage сегментинин эл аралык оператору – BTA Group болду. Бул топ Helios Duty Free менен биргеликте Кыргызстандын аянтчаларында иштеп келет, эми эл аралык тейлөө стандарттарынын негизинде өзүнүн кызмат көрсөтүү аянтын кеңейтүүдө.

«Кыргызстан аэропорттору» ААК белгилүү франшизалардын ишке кириши жүргүнчүлөрдү тейлөө сапатын жогорулатат жана республика аркылуу өткөн транзиттик агымдын өсүшүнүн фонунда тейлөө кызматын ар тараптуу кылат деп эсептейт.

Белгилей кетсек, Reporter.kg маалымат агенттиги «Кыргызстан аэропорттору» ААКнын расмий өнөктөшү болгон.