Кыргызстандын Тышкы иштер министрлиги (ТИМ) АКШда миграциялык саясаттын катаалдашуусунун — массалык депортациялардын, качкындарды кабыл алууну азайтуунун жана төрөлгөндө берилүүчү автоматтык жарандыкты жоюунун натыйжасында канча кыргызстандык өлкөдөн чыгарылганын Reporter.kg басылмасына айтып берди.

Алсак, 2025–2026-жылдары АКШдан Кыргыз Республикасынын 98 жараны депортацияланган.

Буга байланыштуу КР ТИМи чет өлкөдө жүргөн же ал жакка барууну пландап жаткан кыргызстандыктарды барган өлкөлөрүнүн миграциялык мыйзамдарын так сактоого жана керектүү документтерди өз убагында тариздөөгө чакырат.