Айрым курулуш товарларын Кыргызстанга ташып кирүүгө киргизилген чектөө жокко чыгарылды. Тиешелүү токтомго өкмөт башчы Адылбек Касымалиев кол койду.
Ага ылайык, Кыргызстандын аймагына ЕАЭБ ТЭИ ТН 6809 11 000 0 коду менен классификациялануучу гипстен орнаментсиз, кагаз же картон менен гана капталган же бекемделген плиталарды, такталарды, панелдерди, плиткаларды жана ушул сыяктуу буюмдарды ташып келүүгө убактылуу тыюу салуу алып салынды.
Мындай чечим гипс тактайларынын рыногун турукташтыруу максатында кабыл алынган. Токтом расмий жарыяланган күндөн тарта күчүнө кирет.
Эске салсак, ушул жылдын 31-мартында жогоруда аталган курулуш материалдарын өлкөгө ташып кирүүгө 6 айга тыюу салынган эле.
