Светлана (Асланайым) Аширова А.Изибаев атындагы Кыргыз мамлекеттик циркинин директору болуп дайындалды. Бул тууралуу Маданият, маалымат, спорт жана жаштар саясаты министрлиги билдирди.
Жаңы директорду эмгек жамаатка министр Алтынбек Максүтов тааныштырган.
Асланайым Аширова бүгүнкү күнгө чейин аталган циркте көркөм жетекчи болуп келген.
Цирктин мурдагы директору Рыскул Боромбаев башка кызматка кетип жаткандыгына байланыштуу өз арызынын негизинде кызматынан бошотулган.
