Асман жаңы шаарынын курулушу жеке курулуш компаниялары тарабынан жүргүзүлмөкчү. Бул тууралуу Улуттук инвестиция агенттигинин жетекчиси Равшан Сабиров билдирди.

Анын айтымында, шаарды куруу иши этап-этабы менен ишке ашырылат. Учурда курулуш компаниялардын бирине 100 гектар, экинчисине 80 гектар жер бөлүнгөн.

“Асмандын жалпы аянты — 4 миң гектар. Жаңы шаарды курууга бардык курулуш компанияларын чакырабыз, шарттар баарына бирдей. Каалоочулар жетекчиликке кайрылса болот”, — деди Сабиров.

Маалыматка караганда, долбоорго катышууну каалаган инвесторлор жана компаниялар Улуттук инвестиция агенттигине кайрылып, сунуштарын бере алышат.