Ош шаарынын мэри Жеңишбек Токторбаев Озгур айылында күзгү үрөн себүү иштерин баштап берди.

Ош шаардык мэриясы кабарлагандай, Кызыл-Кыштак аймактык башкармалыгынын үлүш жерлерине күздүк буудайдын үрөнү себилүүдө. Учурда 100 гектар аянтка үрөн себүү иштери жүрүп жатат. Жыл аягына чейин дагы кошумча 100 гектар жерге үрөн себилип, жалпысы 200 гектар айдоо аянты толугу менен камтылары күтүлүүдө.

Бул иштер шаар тургундарын жергиликтүү айыл чарба продукциясы менен камсыздоо жана азык-түлүк коопсуздугун бекемдөө максатын көздөйт. Келечекте айдоо аянттарын көбөйтүү пландалууда.