Нарында дайынсыз болуп жаткан жигиттин жансыз денеси табылды. Бул тууралуу ӨКМдин басма сөз кызматы билдирди.

Маалыматка караганда, Ат-Башы райондук суу чарба башкармалыгынын Ак-Моюн айылындагы суу көзөмөлдөөчү мурап Өмкө каналында адамдын сөөгү жатканын кабарлаган.

11-июлда саат 18:09да куткаруучулар 21 жаштагы Э. уулу А. жигиттин сөөгүн суудан чыгарып, милиция кызматкерлерине өткөрүп беришти.

Белгилей кетсек, аталган тургун 7-июлда Ак-Сай өрөөнүнө кеткен. Анын аты Ача тилкесинен табылып, өзү дайынсыз болгондугу тууралуу маалымат 102 кызматына түшкөн. Жоголгон адамды издөөгө жалпысынан 12 чыгышкан.

Биздин Телеграм каналга катталыңыз