«Манас», «Семетей» жана «Сейтек» эпостору дунган тилине которулуп, китеп болуп басылып чыкты. Бул тууралуу Маданият министрлиги билдирди.

Бул маанилүү маданий окуяга байланыштуу Кыргыз улуттук Манас театрында китептин салтанаттуу бет ачары өтөт. Бет ачарда китеп тууралуу кеңири маалымат берилип, коноктор үчүн маданий программа да сунушталат.

Иш-чаранын негизги максаты — кыргыз элинин улуттук баалуулуктарын даңазалоо, ошондой эле элдер ортосундагы маданий байланыштарды бекемдөө.

Иш-чара 20-апрелде саат 11:00дө Самойленко көчөсү, 2/9 дарегиндеги театрда өтөт.