Жергиликтүү прокуратура тарабынан Кыргыз мамлекеттик курулуш, транспорт жана архитектура университетинин алдындагы Балыкчы шаардык колледжинде текшерүү иштери жүргүзүлдү. Бул туурасында Башкы прокуратурадан билдирди.

Маалыматка караганда, текшерүүдө, 2018-жылы колледждин директору Б.Г. кызмат абалынан кыянаттык менен пайдалануу аркылуу имараттын 3-кабатын жана жер тилкесин “А.Д.” ЖЧКсына төмөн баада 5 жылга ижарага берүү тууралуу келишим түзүп, бирок белгиленген ижара акы дагы колледждин кассасына кириштелбей, мамлекетке 2 млн 83 миң 905 сом зыян келтирилгендиги аныкталган.

Бул факты боюнча Кылмыш-жаза кодексинин 337-беренеси (Кызмат абалынан кыянаттык менен пайдалануу) менен кылмыш иши козголуп, тергөө аракеттери жүргүзүлүүдө.