Бишкек шаарынын мэринин мурдагы кеңешчиси Гуля Алмамбетова Фейсбук баракчасына Бишкектин жолдорунун сүрөттөрүн жарыялады.
«Урматтуу Садыр Жапаров! Акылбек Жапаровго айтсаңыз, мал базарлар эле ылай эмес, биз борбордун тургундары 30 жылдан бери ушинтип жашап, тротуарлардын оңдолушун күтүп жатабыз. Бир дагы мэр муну кыла алган жок. Ар бир тургундан кечирим сурайм, мен аябай аракет кылсам да, шефтерге сөзүм жеткен жок, баары жол тандабас айдашат, жөө жүрүү эмне экенин билишпейт», — деп жазган Алмамбетова.
