Балыкчы шаарындагы кафеде милиция кызматкерлери мушташ чыгарып, ызы-чуу салган. Бул тууралуу активист Эртай Искаков билдирди.

Ал соцтармактагы баракчасына окуянын видеосу менен да бөлүштү. Анын айтымында, милиция кызматкерлери видеону чыгарган адамдарга коркутуу кылып жатат.

Ысык-Көл облустук милициясы билдиргендей, соцтармактарга чыккан видео боюнча маалымат каттоого алынып, аталган фактыга юридикалык баа берүү үчүн материалдар Балыкчынын прокуратурасы тарабынан изилденүүдө.

Андан тышкары ИИМдин ички иликтөө кызматы ички иликтөө жүргүзүүдө.

Териштирүнүн жыйынтыгы менен кошумча маалымат берилет.