Баткен облусунда чоң спорттук инфраструктуралык долбоор башталууда. Президенттин облустагы ыйгарым укуктуу өкүлүнүн басма сөз кызматынын маалыматына ылайык, аймакта 10 миң орундуу стадион курулат.

Объекттин өзгөчөлүктөрү:

• Жалпы аянты — 10 гектар
• 3 чоң жана 4 кичи футбол аянтчасы
• 120 орундуу беш кабаттуу жатакана
• 200 унаага ылайык унаа токтотуучу жай

Маалыматта белгиленгендей, жаңы стадион Баткенде аймактык, улуттук жана эл аралык спорттук иш-чараларды өткөрүүгө жол ачат.

Эске салсак, буга чейин Өзгөн шаарында жаңы стадион пайдаланууга берилген, Ош шаарында болсо борбордук стадионду реконструкциялоо иштери башталган.