Орусиянын мектептеринде кыргыз тилин үйрөтүү боюнча окуу китептери пайда болушу мүмкүн. Бул тууралуу Sputnik Кыргызстан АНО «Евразия» координациялык кеңешинин төрайымы, Орусиянын Мамлекеттик Думасынын депутаты Алена Аршиновага шилтеме берип, жазды.

Маалыматка ылайык, мындай демилге Кыргызстан менен Орусиянын президенттеринин эки тараптуу макулдашууларынын алкагында иштелип жатат. Ошондой эле эки өлкөнүн бирдиктүү билим берүү мейкиндигин түзүү боюнча «жол картасына» киргизилген.