5-сентябрда Душанбеде Көз карандысыз мамлекеттер шериктештигинин (КМШ) Экономикалык кеңешинин кезектеги отуруму болуп өтөт. Бул тууралуу Тажикстандын Тышкы иштер министрлиги билдирди.

Ага Армениянын, Беларусиянын, Казакстандын, Кыргызстандын, Азербайжандын, Орусиянын, Түркмөнстандын, Өзбекстандын өкмөт башчыларынын орун басарлары, ошондой эле КМШнын Аткаруу комитетинин өкүлү катышат.

Отурумда мамлекеттер аралык экономикалык кызматташуу, соода байланышы жана КМШ алкагындагы биргелешкен долбоорлорго байланышкан актуалдуу маселелер талкууланат.