Баткен облусунда чек арачылар аткезчилик менен алектенген эки жаранды кармашты. Бул тууралуу УКМКнын Чек ара кызматы маалымдады.

Маалыматка караганда, 14-августта Баткен облусунун Баткен районундагы Баткен—Сох—Айдаркен унаа жолунун Боз-Адыр айылына жакын жерде УКМКнын чек ара кызматы 1995-жылы туулган А.Ж.у.нын башкаруусундагы «Хундай-Портер» үлгүсүндөгү унаасын Сох анклавынан (Өзбекстан) Кыргызстанга мыйзамсыз алып чыгууга аракет кылган 2500 кг «карбамид» жер семирткичтерин кармашкан.

Ошондой эле, бүгүн, 15-августта Кадамжай районунда Айдаркен чек ара отрядынын чек арачылары тарабынан Н.К.нын башкаруусундагы «Мерседес-Бенц Спринтер» үлгүсүндөгү унаа кармалган. Чоң-Гара анклавынан (Өзбекстан) Кыргызстанга тамеки буюмдарын (насвай) жана анын компоненттерин алып чыгууга аракет кылган 1992-жылы туулган жаран кармалды. Жүктүн жалпы салмагы 2,5 тоннадан ашкан.

Тиешелүү документтер толтурулгандан кийин кармалган айдоочулар жана жүктөр кошумча иликтөө иштерин жүргүзүү үчүн компетенттүү органдардын кызматкерлерине өткөрүлүп берилди.

[image_carousel source=”media: 149333,149334,149335″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Бардык жаңылыктар Телеграм каналда